Доколку сакате да се ослободите од темните дамки на лицето, природните лекови и мешавини можат да ви бидат најверниот сојузник.
Иако е сосема природен процес, хиперпигментацијата често им пречи на многу дами кои сакаат чисто и негувано лице. Хиперпигментацијата се јавува поради зголемено лачење на меланин, пигмент кој и дава природна боја на кожата, косата и очите, а меланин се произведува прекумерно поради повеќе причини: стареење, генетски предиспозиции, изложување на сонце, воспаленија, повреди, хормонска нерамнотежа, акни.
Сепак, овој проблем може да се реши без скапи креми или третмани, на сосема природен начин, благодарение на храната како млеко, јаболков оцет или зелен чај.
Обичното или киселото млеко се покажа како ефикасен третман за осветлување на темните дамки на лицето, благодарение на млечната киселина, сè попопуларна состојка во козметичките производи. Се препорачува парче памучна вата да се натопи во млеко, за темната дамка добро да се трие со неа, два пати на ден.
Јаболков оцет Можете да направите и средство за чистење на лицето од јаболков оцет. Доволно е да измешате еднакви количини вода и јаболков оцет во еден сад, а потоа со стапче за уши натопете ја оваа смеса во темни дамки и оставете да отстои две до три минути. Потоа исплакнете го лицето со млака вода, а постапката повторувајте ја два пати на ден.
Зелен чај Истражувањата покажаа дека зелениот чај може да има ефект на депигментирање кога се нанесува на кожата. Сепак, се уште нема докази дека може значително да ги осветли темните дамки на лицето, но многу корисници на социјалните мрежи се колнат дека им помогнал.
Нивниот совет е една кесичка зелен чај да се стави во врела вода три минути, а потоа да се извади и да се остави да се излади. После тоа, треба да ги триете темните дамки со кесичка чај и да го повторувате ова два пати на ден, додека не сте задоволни со резултатот.
